من اروع ما قيل من القصائد
من أروع القصائد الشعرية لإحمد الناصر الشايع
وارجلي اللي تبيّن ضلعها من غيـر سامـوح
حـار القـدم يالله الخيـره ولافيهـا اروايـه
بأسباب زولٍ نطحني بالطريق وشاحني شـوح
اودعني امشي والدّ خلاف واقصر في خطايـه
زولٍ نطحني وأخذ عقلي ولالي منـه مصلـوح
خلاني اركض واغني من خلايه فـي خلايـه
اللي خذا القلب اظنه مخطرٍ يلحق على الـروح
الموجب انه مريـضٍ خاطـري حـدّ النهايـه
هذا وانا عن طريق المنتحي منهي ومنصـوح
مير المقادير جابتني على حسنى وعلى سايـه
مادام باب الهوى لأهل الهوى بيّـن ومفتـوح
ابين من الشمس عقب الظهر في وجه المرايه
يامن يودي سلامي والهوى راعيـه مفضـوح
ويخبّـره بالمصيبـه كلهـا والـراي رايــه
إن كان لدّ النظر يمي عن اللي فات مسمـوح
وإن كان قفّـى وخلانـي فانـا سبـة عنايـه
واعين ياللي من الفرقا بكت والقلب مجـروح
مانيـب عـازي لعـل الله يجـبـر عـزايـه
الصاحب اللي ليا شفته عجزت اقعد ولا اروح
ماهو طويلٍ نشاش ولا قصيـر الجـرم غايـه
يامن سميّه على اسمي الناس به زودٍ وبه نوح
ثلاثة اشهـر ينـزل نصـف ثالثهـن كفايـه
واثنين يكمل بهن اسمه اوله حراس وشبـوح
كم لي وانا ارجيه جعـل الله مايقطـع رجايـه
__________________
إذا لم تكن كاتباً تفيد غيرك....... فكن قارئاً تفيد نفسك...
|
ضيفنا العزيز نتمنى انضمامك لأسرتنا للتسجيل اضغط هنا
منتديات هامور السوق
العرض العادي
