احبك يابعد عمر السنين اللي مضت واهـواك=انا لولاي احبـك مادفيـت براحـت ايدينـك
رحلتي والسنين بلهفة الذكرى تسوق خطـاك=وجيتينـي بلهفـه ذكرتنـي بـاول سنيـنـك
تعالي للعيون اللي حرمها الوقت مـن لامـاك=ولك مني وعد ماعاتبـك واقـول لـك وينـك
ابا أضمك لصدرٍ عاهد انـه مايضـم سـواك=ثيابـي لايـبللها سحـابٍ هـل مـن عينـك
انا اللي في منام الناس كنت اسهر على ذكراك=اقلب دفتر اشعـاري افتـش عـن عناوينـك
احب من الليالي اليله اللـي تنقضـي ويـاك=واحب من الكلام الكلمه اللـي بينـي وبينـك
عشقت من العسل شهد محلى من رحيق شفاك=زهور الكون ماتشبه لزهـره مـن بساتينـك
تربع في ضواحي قلب لـو تنسـاه ماينسـاك=ولو هلت مزون دمـاه ماتضمـى شرايينـك
احبك وامر الخافق يطيعك غصـب مايعصـاك=انا والقلب لو حكمك علينـا ظلـم راضينـك
واذا إنك تحسبه ضعف مني يوم اقول اهـواك=عليه بالطلاق انـي لهيـن القلـب واهينـك