حفلة قوية بين عبدالله العلاوه الحارثي ومستور العصيمي
بعد محاورة حبيب والعلاوه المشهورة التي اقيمت في
عيد الاضحى اقيمت حفلة في اول الصيفية
وكان معزوم فيها حبيب ومستور وملفي والعلاوه
وتوقعوا العتبان ان العلاوه لن ياتي للحفله
وبعد انتصفت الحفلة بعد ثلاثه قيفان
اذا بالعلاوه قادم للحفله فذهب عند الميكفرون
واذا به يقول .......
............
العلاوه :
ياسلام الله سلام ياجمل من بعد جيت
قلتها في دار قوم تعز اصحابها
يالرفيق اللي معي لاعديت ولا بديت
ضيقتك طالت وانا ما عرفت اسبابها
مستور :
مرحبا واهلين في حفلة فيها لفيت
عد ما خطت حروف القلم باكتابها
كل ديرة جيت في سوقها بعت وشريت
واحتري للغاليه بعد جاء جلابها
العلاوه :
البقاء عداد ما ينبني في الارض بيت
وين راحت دلة الكيف ياصبابها
مابغير نيتي معك دام اني نويت
شرهة السلعه على منهو اللي جابها
مستور :
دلة الكيف قفى بها راعي الونيت
وانت في بعض العرب ماحسبت احسابها
يا علاوه تحسبني في الغدرا سريت
اضرب الميدان والخيل يا ركابها
العلاوه :
ابحقق في المواضيع وانته مادريت
لين اطلع صادق الناس من كذابها
احمدالله واشكره في طريقي ما غويت
والكفوف سيوف دون اللحى واشنابها
مستور :
والله اني لاجرد السيف لامني بليت
والسيوف الصارمه ينعرف مضرابها
وان وقف زيت المكينه دهناها بزيت
مانقول وش صابها مانقول وش صابها
العلاوه :
لو جرت السيف يمكن يشيلك كبليت
ليت رجلينك على الارض ما تطابها
ليت يومنك دهنت السيوره ما مشيت
طيع شوري دهنت السير لا تضرابها
مستور :
خلها بعدين ليتني عليها ما انحديت
ثم قل للخاينه لاتخون اصاحبها
كل مايطلع حماطه نبت فيها كعيت
لو عليها عسكر واقف بمحرابها
العلاوه :
يا صديق الخاينه لا ضحكت ولا بكيت
كل ما يطردك دورية تسعى بها
الكعيته لانشب فيك نسمعلك هنيت
غظ عنا بعض الاصوات تذينابها
مستور :
انت لاتشكي عليه وانا لك ما شكيت
كل صنعه يا العلاوه لها ربابها
ليتهم سموك سارح سرحت ولا ضويت
وانت لاتهدي على الناس صغير اثيابها
العلاوه :
انت لو ترضى عليه الخطا لك ما رضيت
(دام انا في دارك الزاهقه ما ابدابها )
ليتهم سموك راوي رويت ولا ضميت
قبل تشرب در سمحات يا حلابها
|
ضيفنا العزيز نتمنى انضمامك لأسرتنا للتسجيل اضغط هنا
منتديات هامور السوق
العرض العادي
