لابـاس ياقلبـن لـه ايـام مهتـم = كثـرت هناديبـه وزاد اهتمـامـه
تسعين يوماً يذبـح الليـل واضلـم =يسري بي الهاجس واضيع خطامـه
والبارحـة قامـت عليـه تـزاحـم =مثايلاً مثـل الذهـب فـي جرامـه
اشطب على التقليد واصوغ وانظـم= اللي من الجـوده عليهـا علامـه
يازينـهـا وان قـامـت تنـاغـم= على اسماع اهل السمو والفخامـه
الفكـر يبنـي والقريحـه تصمـم=والرجـل يثبـت وقفتـه والتزامـه
قـدام حكـام الوطـن مـن تكلـم= ياجـب عليـه انـه يثمـن كلامـه
وانـا بشعـري والسـلام اتـقـدم =اكبر شـرف نلتـه رفيعـاً مقامـه
شوفتـك يافخرالملـيـك المعـظـم= هي مطلب الشاعر وغايـة مرامـه
جعلك ياابو متعـب لنـا دوم تسلـم =ماجور يارمـز الوفـاء والشهامـه
ياعل من جابك عـن النـار يحـرم =عساه فـي الجنـه تمهـد عظامـه
وجعل السحاب اللي مزونـه تـرادم =ينشأ علـى قبـره وينثـر غمامـه
هذاك ابـو تركـي الامـام الملعـم= اللي لورث اجدوده اشهـر حسامـه
عبدالعزيـز اللـي لـداره تـولـم =السيف سيفه والفشق من حزامـه
وقف مثل طارق بعد شب في اليـم =البحر خلفـه والعـدو مـن امامـه
وحول على المصمك كما الحر الاقطم= واللـي بثـره مورديـن السهامـه
البـاب بشلافـا تحـادوه والـطـم =والسوط طوح واستـوى للأمامـه
من خير هاك اليـوم لليـوم ننعـم= عسـاه مـن نيـا ليـوم القيامـه
تاريخنا محفـوظ فصدورنـا صـم= وافعالكـم مايغتشيـهـا عسـامـه
من بعدهـا عبـدالله اسلـم وسلـم= علـى مليـكً عـزه الله ودامــه
ياالله يااللي بامرك الـرزق يقسـم =يا منزلن صـورة سبـأ والقيامـه
تحفـظ مليـكً للحراميـن خــادم= ايلاهنـا نسئلـك تمهـل اعوامـه
كـم دولـةً يـوم اتـألـم تـألـم= ويـاالله تعجـل قومتـه بسـلامـه
فهـد ذاك الزعـيـم المخـضـرم= زعيمـاً اللـي زاهيتـه الزعامـه
فهد الياعـدو ملـوك العـرب كـم =له هامتاً تعلـو علـى كـل هامـه
فهد اليانشف الـدم والريـق فالفـم= الله مـن لاينتقـم مـن خصـامـه
للحق مايهضـم ولا هـوب يهضـم= ولاضد حبـس وللموالـي محمامـه
اسلاحه المصحف وبشـرع يحكـم= فيه العـدل والمغفـره والصرامـه
مثله فلاشـالات علـى صـدره الام= اقولـهـا ولاعـلـيـه مـلامــه
ولانـت عبـدالله وللفهـد محـزم =ويزود من عالـي مقامـك مقامـه
ضرغام حـرب ولايبيلـك مترجـم= صميدعاً راسـك زهيتهـا العمامـه
انت الـذي يـوم المناكـب تداحـم =في ساحة الخفجـي كفـخ بلتطامـه
قدت الحرس لنـرواي القـاع بـدم =حتى اعلنو كسر العـدو وانهزامـه
وانت الذي تشفق وتنفـق وترحـم= وتقابل الشعـب الوفـي ببتسامـه
في همنا وتشارك الناس فـي هـم= كل العرب همـك جنوبـه وشامـه
ميرً بعض الناس ماهـوب يحشـم= معروفنـا عنـده وصـار التطامـه
خدعه وعنها ياابيض الوجه تكـرم= حنـا تعـام النـذل حنـا تعـامـه
كيـف يتهقونـا ومـن قالـه قـم= عـلام ملعـون الصلايـب علامـه
نعيش ونشـوف العحـب ونتعلـم= شياً يشيـب مـن بسـن الفطامـه
لكنننـا بــاالله قويـيـاً وبـثـم= سلطان سلطـان السعـد والكرامـه
لبيـه ياكـف تعـشـق المـكـارم= لبيـه ياراسـاً ملـتـه القـرامـه
لبيـه ياقلبـاً يضـم الوطـن ضـم= لبيه من راسه اليا اسفـل اقدامـه
يااللي تشوف الشط شف غبت الجم= معزبـي واعـرف هـواه ونظامـه
يهواء جزال الطيب ويخمهـا خـم= لويسبقـه غيـره تكـدر مـلامـه
واليارسم يرسم ورى كـل مرسـم =من خامت معزبي ترى فيـه خامـه
له نظرتن منهـا الرجاجيـل تنخـم =وله هدتـن تـرث كثيـر الندامـه
زبن الضعيف اللي من الوقت منسم= ستر الهنـوف اليارمـن باالثمامـه
يعدل ولايرضي على انسـان يظلـم =اعقوقلبـه فيـه لطـف ورحامـه
ويقود جيشن في المهمـات مغـرم= جاهـز ويعلـن رغبتـه وانتظامـه
بمرك ياابو متعـب وماتطلبـه تـم= اقف بسم سلطـان وارفـع تمامـه
واللـي ورانـا يسطفـق ويتـرازم= جيشن على الهيجا تزايـد هيامـه
يشهد لنا يامن لاقـى كـل مسلـم= وحرب الخليج اللي خذينـا وسامـه
دون الوطن ناطا الوغـا ونتحيـزم= دون الوطن كلـن ينفـض اكمامـه
ترابنا موهـب مـن اللـي يقسـم= ياويـل مخلوقـاً سعـى بنقسامـه
والشله اللـي بـث بفكارهـا سـم= وقامت تزحـى بـرداء والرخامـه
من فضل ربي جرحها طاب والتـم= واوشك على تاليـه فلـم الدرامـه
الركـب ماشـي والشريعـة تحكـم= وله تز دارن ديـر ربـي دعامـه
حنا هل التوحيد والحـرب والعلـم= نعرف حلال الله ونعـرف حرامـه
عدونـا يشبـع مـن الهـم والغـم=ورفيقنـا الوافـي نزيـد احترامـه
محـداً مـن العالـم علينـا تكـرم= حنـا بنينـا دارنـا مـن سنامـه
بديننـا كـل المواضيـع تحـسـم= ونواكب الاصـلاح عامـه بعامـه
من لافهمنا جعـل ماهـوب يفهـم= حتى ولـو يغـزي علينـا علامـه
عن هرجهم تعرض ونقفي وننصـم= لونلتفـت وينـك يـاراس النعامـه
والله ان حتى المدح منهم كما الـذم =لان القلوب ابها من الحقـد شامـه
الحـق يبقـا والأباطيـل تـهـزم= والمنتصر مـن بلولـي اعتصامـه
تـم الكـلام اللـي بعدهـا تنسـم= لوطول بصـدري تحطـم عظامه