السلام عليكم ورحمة الله وبركاته

البقالة ..}



اتذكر جدي الله يرحمه كان عنده بقاله في الديرة ..
كيف كانت البقالة ..

هي غرفة في البيت الحجري مطلة على الشارع ..
ومنها يفتح الشباك و....

و بكذا تكون البقالة انفتحت ..
ويجون عيال الحارة والناس اللي فيها يمرون من هناك ويشترون من البقالة ..
وبصراحة كانت مكسب ..يشتري أكياس من أي منتج ويبيعه ويكسب..

إلى الآن اتذكر البقالة لأنه على بساطتها الا أن الواحد ينبسط اذا فتحت وتجمعوا الناس عليها ..
الله يرحم هذيك الأيام ..

المهم مو هذا موضوعنا ..



اليوم قاعدة اتصفح جريدة يوم الأربعاء حقت Gulf News ..
لقيت خبر ..من جد قلت يا الله ياليت عندنا زيه للشباب ..

اللحين انا مرة كنت ابغى اطلب من (بيتزا إن) ..
لأن المكان صغنون ومليان رجال وعلى الشارع طبعا ما اقدر ادخله ..فلازم يجي لسيارتي تبع المطعم..حتى ما اقدر اقول للسواق روح اطلب كذا لأنه "دلخ" او "يتديلخ" مدري عنه ..
كله عشان اطلب ايش ابغى ..!

وفجأة ....يقول السواق ..ممنوع ..!
قلت نعم؟ وش اللي ممنوع ..
اقول ناده ولا يكثر ..

ويرجع السواق يقول ممنوع ..
قلت رح جيب رقم المطعم ..قل لهم يردون اللحـــــــــين ..

خير وش السالفة ؟؟ واقفة لي 10 دقائق عشان ابغى اطلب مو معقولة ..!
قال معليه هذا النظام الجديد ما يسمح لنا نطلع برا ناخذ الطلب من السيارة ..
((عاد هنا قلت وش دعوى خليني اروح مطعم ثاني لا ابوهم لا ابو اللي يطلب منهم))

بعدين مسكني العناد قلت لأ يطلع اللحين ولا ماني رايحة البيت ..!
قلت نظام ايش اللي يمنع تطلع ؟ يعني كمان معليه وين ادخل واطلب !؟
وبإحترام طلبت منه يطلع بنفسه أو عنده خيار ثاني يطلع كل الرجال اللي في المحل عشان ادخل لأنه مو معقولة رح ادخل في وسطهم ..!!

واستفسر وألقى انه هذا نظام العمل الجديد مافي أي احد يطلع للسيارات اللي واقفة برى حتى لو كانت فيها نساء ..! مع انه انا موقفة في الباركن يعني حتى مافي ازعاج للسير ابدا ..!
المهم النظام العبيط هذا اختفى بعد شهر تقريبا ..! <متابعة الوضع

المهم هذا مو موضوعنا <ما تبي توصل للزبدة ..



انا في نقطة قاهرتني ..
اللحين ألاحظ في كسل شديد من الشباب انهم ينزلون للبقالة ..!
اوكي انا بنت وخالصين منها مابي انزل البقالة ..
لكن في شباب ما شاء الله يعني ربي عطاهم الصحة يقدرون يمشون حوالي 6 خطوات ويدخلون البقالة ويختارون اللي يبون ويرجعون للسيارة ..
ما يحتاج انه يطلع لهم العامل برى ..!!!!!
وش هالعجز ؟! يعني افهم انو مو قادرين تقفلون السيارة وتدخلون وتطلعون لووووووووووووول ..

مرة شفت بقالة كاتبة بمعنى انه لا نقدم خدمة التوصيل للسيارات ..الرجاء النزول للبقالة ..
و بجد عجبني صاحب البقالة في اللي كتبه ..!

طيب نرجع للخبر اللي قريته ..في جريدة Gulf News

الشارقة تضع حداً لعادة توصيل الطلبات إلى السيارة

معنى الخبر انه السبب في المنع انه حصل تعطيل للسير بسبب هالعادة الكسولة ..
قال خالد السويدي رئيس قسم رقابة الأسواق في إدارة حماية المستهلك "أن زبون المطعم عليه الإختيار بين إيجاد موقف للسيارات والدخول إلى المطعم لإنتظار طعامه أو إختيار خدمة التوصيل للمنزل."

ومن جهته علق أمين صندوق يعمل في Pak Gazi الموجود في الرولا "مشكلة إيجاد مواقف للسيارات هي المشكلة الرئيسية التي جعلتنا نقدم خدمة توصيل الطلبات إلى السيارة فهم لا يريدون القيادة لمدة 45 دقيقة للحصول فقط على ساندويش "

وعلق موظف في محل Karachi Darbar " لقد قدمنا هذه الخدمة منذ زمن طويل ومنع ذلك يحدي إلى التسبب في خسارة جمة لعملنا , و الزبائن وأخص بذلك النساء منهم فهم في أمس الحاجة إلى هذه الخدمة حيث أن المطاعم قد تمتليء بالرجال عند طلبهن للطعام."

ويذكر أن كل منشأة تخالف النظام سيصدر بحقها إنذار مع غرامة بقيمة 1000 درهم , وإذا ما زالت المنشأة تخالف النظام بتكرار فسيتم إغلاقها على الفور ..


اشرايكم ؟