السلام عليكم ورحمة الله وبركاته

مساء الخير على الجميع....ماغندا أٌماغا..

ماساراب ..لذيذ
ماآميز..سكر
ماآزيم..حامض
ماساكيت..يعور

هذي حصيلة بعض الكلمات اللي قدرنا نعرفها..

لاحظت كثرة ربعنا السعوديين المتسدحين وأيدي العمالة الفلبينية
تداعب أصابع أيديهم وأقدامهم..ولكثرة تلك المراكز تجدها متوفرة حتى في المطار
ولم تعتق من ربعنا وهم ينتظرون الإعلان عن صعود الطائرة..






طبعا فيه أشكال متنوعة وكثيرة وخشش غير
الباسم أعلاه.. وكلٍ على حسب رغبته وإختياره
وميوله حسب درجة الخنبقة..أعاذنا الله من الخنبقة والداعين لها..








وشفنا ناس بعد متسدحه






وبعد لقينا من ربعنا الكثير...


تشاورنا وتفاهمنا وتحاورنا..وكلٍ مستحي من الثاني
خلونا نسكرب كعوب رجلينا ونقصص أظافرنا ..ونتمسج بعد..

قال واحدٍ يقال له أبو ربيع..هذي آخرتها يالربع
هذي شغلات للنسوان..وش خلينا للحريم..

قلنا أجل أنت راقب أغراضنا..ونبي نسدح حالنا حال هالشبيبة.

وياليت الصور كانت تساعد وإلا كان إلتقطنا كم صورة لأبو ربيع
وهو متملل من الإنتظار ..

أخذنا كم ساعة من المساج والقص والدعك..وطلعنا الواحد وزنه مختلف
عن السابق..ونفسيته منفتحه..مثل مسامات وجهينا اللي حسينا الهواء
يدخل منها لضروسنا...

حبيبنا أبو ربيع غير رأيه بعد ماشاف التغيير..وأثره مستحي يطلع الشطووووب
وفعلا رفضوا ينظفون رجلينه كالمعتاد..إلا بعد تقطيع أسفلها بشفرة حلاقة
أم وجهين..

بعدها طلب منا الحبيب يشتري جزمة جديدة..تغير مقاس رجلينه..
وطول مدة بقائنا وهو يفكر ..وش أقول لأم ربيع إذا إسألتني..
إن بغيت أتلمع هاك الشهر ماعندي غير هذي..






وأنا عندها الخشن..صرت الحين أنعم من كعوبها..يا الله الخلاص..








زبدة الكلام...راحت أيام الخشونه
ونبي مراكز مثل اللي بشرق آسيا..أقلها الواحد
يعتني بأرجل والديه..ويعرف لهاالأمور..

لم نرى من السيدات من تعتني بأقدام والديها..قلنا نتعلم لعلنا نكون أكثر
برا بهم..ولاتفهمونا غلط....وياكثر المعترضين...



تقديري.....